Puhulwella M.M.V

විදුහල්පති තුමාගේ පණිවුඩය:

මාර/පුහුල්වැල්ල මධ්‍ය මහා විද්‍යාලයේ නව අන්තර්ජාල වෙබ් අඩවියට පණිවුඩයක් නිකුත් කිරීමට ලැබීම සතුටට කරූණකි. වසර ගණනාවක සිට ප්‍රදේශයේ දැනුමේ කේන්ද්‍රස්ථානය වූ මාර/පුහුල්වැල්ල මධ්‍ය මහා විද්‍යාලය එදා මෙදාතුර වටිනා උගතුන් රාශියක් ජාතියට දායාද කර ඇත. ඉංජිනේරූවන්, වෛද්‍යවරූන්, පරිපාලන නිළධාරීන් , දේශපාලඥයන් හා මානව හිතවාදීන් ඒ අතර වේ. නව තාක්ෂණය, නව ශිල්ප ක්‍රම සීඝ්‍රයෙන් ව්‍යාප්ත වන ලෝකයේ ශ්‍රී ලංකාවේ අධ්‍යාපනය ද සමගාමීව ඉදිරියට ගෙනයාම අද අප මුහුණ දී සිටින ප්‍රධාන අභියෝගයයි. අන්තර්ජාල පහසුකම් ලෝකයේ සෑම රටක්ම එක් කරන විශ්ව ගම්මානයක් බවට පරිවර්ථනය කරන ඒකායන මාර්ගයයි. එම නිසා අප විද්යාලයේ දැනට ඉගෙනුම ලබන දරුවන්ට මෙන්ම ඉදිරි කාලයේ අඛණ්ඩව අපට එකතුවන අනාගත පරපුරට ද ප්‍රයෝජන ගැනීම සදහා අද දවසේ පුහුල්වැල්ල මධ්ය මහා විද්යාලයේ වෙබ් අඩවිය නිර්මාණය කිරීම අතිශයින්ම සතුටට කරූණකි.

.